睇住屋企長輩因為牙力唔夠、吞嚥困難，食飯慢慢變成一種負擔同擔憂，作為仔女一定會覺得心痛，甚至有啲不知所措。好多人以為，老人家咬唔到嘢，就只能夠準備稀粥或者將食物打成糊狀，但呢類單調嘅飲食，唔單止容易令「老人家冇胃口」，仲可能導致「老人營養不良」等問題，更剝奪咗佢哋享受美食嘅權利。
其實，你有一份更好嘅選擇！本文將由樂齡網嘅銀髮生活顧問，為你完整介紹專為牙力唔夠而設計嘅「照護食」（軟餐）。佢唔單止保留咗食物嘅原味同營養，仲可以配合長輩唔同嘅咀嚼同吞嚥能力，等佢哋搵返餐桌上面嘅笑容同尊嚴。
最重要的第一步：睇明「軟硬度」，揀啱唔易「濁親」
揀「照護食」最重要嘅關鍵，就係了解「軟硬度分級」。呢樣嘢可以幫你精準咁搵到最適合屋企人目前牙齒及吞嚥狀況嘅產品。我哋參考咗日本介護食品協會 (UDF) 嘅標準，將產品分為以下幾個等級，等你可以輕鬆對號入座：
等級一：容易咀嚼
適合能用牙齒咀嚼，但偏好較軟爛食物的長輩。這個等級的食物，大約是用筷子就能輕易夾斷的硬度，讓牙口稍弱的長輩也能輕鬆享用。
「王伯雖然牙力仲算唔錯，但最近覺得咬啲肉嗰陣愈嚟愈用力，覺得好韌。自從阿女好細心咁幫佢準備咗『容易咀嚼』等級嘅燉牛肉，佢終於可以輕輕鬆鬆咁享受大口大口食肉嘅滿足感喇！」
等級二：牙齦磨
適合牙齒狀況唔理想，主要需要靠牙肉（牙齦）去磨碎食物嘅長輩。呢個等級嘅食物質地非常柔軟，大約好似熟透嘅香蕉咁，只需要用牙肉就可以輕易磨碎。
「李婆婆啱啱配咗副新假牙，仲適應緊，好多嘢都咬唔郁。屋企人為佢準備咗『牙齦磨』等級嘅軟餐，佢用牙肉就可以輕輕鬆鬆『抿』爛啲肉，終於唔使再餐餐淨係食粥喇！
等級三：舌可碎
適合咀嚼能力已經明顯退化，需要用條脷（舌頭）配合上顎將食物壓碎嘅長輩。呢個等級嘅食物質地好似布甸（Pudding）咁滑溜，只需要用舌頭就可以輕易「頂」爛。
「張伯因為中風，咀嚼能力受到好大影響。照護員發現『舌可碎』等級嘅雞肉味軟餐，質地好似布甸咁滑溜，張伯只需要用條脷就可以輕易『項』開。咁樣唔單止食得安全、唔驚濁親，仲可以幫佢補充優質蛋白質，對復原好有幫助。」
等級四：好吞嚥
適合咀嚼同吞嚥能力都比較弱嘅長輩。呢個等級嘅食物呈現慕絲 (Mousse) 或者糊狀，不需咀嚼即可輕鬆吞嚥，同時仲可以保留到食物原本嘅味道同香氣。
「陳婆婆有嚴重嘅吞嚥困難，連飲水都好容易『濁親』。呢款「好吞嚥」等級嘅慕絲軟餐，令食物喺入口嗰陣已經係最滑溜嘅狀態，可以好順咁滑入食道，大大減低咗『濁親』或者食物落錯氣管嘅風險。
為屋企人準備餐飲，係傳遞愛最直接嘅方式。當長輩面對咀嚼或者吞嚥挑戰嘅時候，『照護食』（軟餐）為我哋提供咗一個兼顧營養、美味同尊嚴嘅絕佳選擇。只要了解清楚軟硬度分級，再善用凝固粉（增稠粉），我哋就可以幫最親嘅屋企人，再次享受食飯嗰種單純嘅快樂。
